In illo tempore: Dixit Iesus discipulis suis: ²⁶ Cum venerit Paraclitus, quem ego mittam vobis a Patre, Spiritum veritatis, qui a Patre procedit, ille testimonium perhibebit de me; ²⁷ et vos testimonium perhibebitis, quia ab initio mecum estis. ¹ Hæc locutus sum vobis, ut non scandalizemini. ² Absque synagogis facient vos: sed venit hora, ut omnis, qui interficit vos, arbitretur obsequium se præstare Deo. ³ Et hæc facient vobis, quia non noverunt Patrem, neque me. ⁴ Sed hæc locutus sum vobis: ut cum venerit hora eorum, reminiscamini quia ego dixi vobis.

Io. 15, 26-27 et 16, 1-4