Sancti Ioseph opificis

In illo tempore: Et veniens in patriam suam, docebat eos in synagogis eorum, ita ut mirarentur, et dicerent: Unde huic sapientia hæc, et virtutes? 55 Nonne hic est fabri filius? Nonne mater eius dicitur Maria, et fratres eius, Iacobus, et Ioseph, et Simon, et Iudas? 56 Et sorores eius, nonne omnes apud nos sunt? Unde ergo huic omnia ista? 57 Et scandalizabantur in eo. Iesus autem dixit eis: Non est propheta sine honore, nisi in patria sua, et in domo sua. 58 Et non fecit ibi virtutes multas propter incredulitatem illorum.

Matth. 13, 54-58

la_sagrada_familia_con_san_juanito_28bartolomc3a9_esteban_murillo29
“La Sagrada Familia com san Juanito”, Bartolomé Esteban Murillo (XVII sec.) – Museo de Bellas Artes de Budapest (Wikimedia Commons)

 

Dominica secunda post Pascha

In illo tempore: Dixit Iesus pharisæis: 11 Ego sum pastor bonus. Bonus pastor animam suam dat pro ovibus suis. 12 Mercenarius autem, et qui non est pastor, cujus non sunt oves propriæ, videt lupum venientem, et dimittit oves, et fugit: et lupus rapit, et dispergit oves; 13 mercenarius autem fugit, quia mercenarius est, et non pertinet ad eum de ovibus. 14 Ego sum pastor bonus: et cognosco meas, et cognoscunt me meæ. 15 Sicut novit me Pater, et ego agnosco Patrem: et animam meam pono pro ovibus meis. 16 Et alias oves habeo, quæ non sunt ex hoc ovili: et illas oportet me adducere, et vocem meam audient, et fiet unum ovile et unus pastor.

Io. 10, 11-16

buenpastormurillo1660
“El Buen Pastor” – Bartolomé Esteban Murillo (ca 1660) – Museo del Prado, Madrid (Wikimedia Commons)